1900களில் தொலைந்த விமானத்தின் பாகங்கள் அண்டார்க்டிக்காவில் கண்டுபிடிக்கப்பட்டன

ஞாயிறு, ஜனவரி 3, 2010

அறிவியல்

தொடர்புள்ள செய்திகள்

• 20 மே 2012: லேசர் மூலம் காகிதத்தில் உள்ள மையை அழிக்கும் முறையை பொறியியலாளர்கள் கண்டுபிடிப்பு
• 18 மே 2012: தென் கொரியாவில் தயாரிக்கப்பட்ட செயற்கைக் கோளை சப்பான் ஏவியது
• 11 மே 2012: மிகப்பழமையான மாயன் ஓவியங்கள், நாட்காட்டிகள் கண்டுபிடிப்பு
• 6 மே 2012: பெரிய வெளிச்சமான 'முழுப்பெருநிலவு' அவதானிக்கப்பட்டது
• 30 ஏப்ரல் 2012: ஆத்திரேலியக் கோடீசுவரர் புதிய டைட்டானிக் கப்பல் ஒன்றைக் கட்டுகிறார்

...மேலும் செய்திகளுக்கு

1912 ஆம் ஆண்டில், அண்டார்க்டிக்காவுக்கு முதன் முதலாகக் கொண்டு செல்லப்பட்ட விமானத்தின் எஞ்சிய பாகங்களைத் தாம் கண்டுபிடித்திருப்பதாக ஆஸ்திரேலிய ஆய்வுக் குழுவொன்று சனிக்கிழமை அறிவித்தது.

மோசன் ஹட்ஸ் அறக்கட்டளை என்ற நிறுவனம் இந்த விமானத்தின் எச்சங்களைக் கண்டுபிடிப்பதற்காக மூன்று ஆண்டுகள் செலவழித்து, இந்தப் புத்தாண்டு நாளில் அதன் எண்ணம் கைகூடியது.

"அதன் சில பாகங்களை இப்போது கண்டுபிடித்திருப்பது ஒரு மிகப் பெரும் செய்தியாகும்," என அக்குழுவின் உறுப்பினர் டொனி ஸ்டுவர்ட் அறிவித்திருக்கிறார்.

1910களின் ஆரம்பத்தில் ஆஸ்திரேலியாவின் துருவ ஆய்வாளரும், நிலவியலாளருமான டக்லஸ் மோசன் (Douglas Mawson) அண்டார்க்ட்டிக்காவுக்கு இரண்டு முறை தனது குழுவினருடன் பயணம் மேற்கொண்டிருந்தார். முதற்தடவை அவர் தன்னுடன் ஒரு விமானத்தையும் கொண்டு வந்திருந்தார். 1911 இல் அமைக்கப்பட்ட அவ்விமானத்தின் இறக்கைகள் அண்டார்க்டிக்காவில் தனது பயணம் தொடங்க முன்னரேயே பழுதாகிப் போனது.

கடுமையான குளிர் காரணமாக விமானத்தின் இயந்திரமும் பழுதாகிப் போகவே அதனை அங்கேயே கைவிடவேண்டியதாகிப் போனது.

மூலம்

• Remains of Early 1900s Plane Found in Antarctica, டிஸ்கவரி, ஜனவரி 2, 2010