2012 ஆஸ்திரேலிய திறந்த சுற்று இறுதிப் போட்டியில் விக்டோரியா அசரென்கா வெற்றி
- 21 மே 2012: 2012 உலக சதுரங்கப் போட்டித் தொடரின் ஏழாவது ஆட்டத்தில் விசுவநாதன் ஆனந்த் தோல்வி
- 2 ஏப்ரல் 2012: சைபீரியாவில் உருசிய விமானம் விபத்துக்குள்ளாகியதில் 31 பேர் உயிரிழப்பு
- 23 மார்ச் 2012: 2012 ஆசியக் கிண்ணத்தை பாக்கித்தான் அணி வென்றது
- 16 மார்ச் 2012: பன்னாட்டுப் போட்டிகளில் நூறாவது சதமடித்து சாதனை படைத்தார் சச்சின் டெண்டுல்கர்
- 11 மார்ச் 2012: 2012 ஆசியக் கோப்பை துடுப்பாட்டத் தொடர் வங்காளதேசத்தில் ஆரம்பம்
சனி, ஜனவரி 28, 2012
2012 ஆம் ஆண்டுக்கான ஆத்திரேலிய டென்னிஸ் திறந்த சுற்று பெண்களுக்கான இறுதிப் போட்டியில் பெலருசைச் சேர்ந்த விக்டோரியா அசரென்கா உருசியாவைச் சேர்ந்த மரியா சரப்போவாவை 6-3, 6-0 என்ற நேர்சுற்றில் வென்று தனது முதலாவது கிராண்ட் சிலாம் வெற்றியைப் பெற்றார். அத்துடன் உலகின் டென்னிசு வீராங்கனைகளின் வரிசையில் முதலாவது இடத்தையும் பெற்றார்.
ஆத்திரேலியாவின் விக்டோரியா மாநிலத் தலைநகர் மெல்பேர்ணில் ரொட் லேவர் அரங்கில் இன்று சனிக்கிழமை பெண்களுக்கான இறுதிப் போட்டி இடம்பெற்றது. 22 வயதான அசரென்கா இப்போட்டியில் வெற்றி பெற்றதன் மூலம் பரிசுத் தொகையாக 2.3 மில்லியன் அமெரிக்க டாலர்களைப் பெற்றுள்ளார்.
அசரென்காவிடம் தோல்வியுற்ற மரியா சரப்போவா 2008 ஆம் ஆண்டு ஆத்திரேலியத் திறந்த சுற்று வெற்றியாளரும் 2007 ஆம் ஆண்டு இறுதிச் சுற்றில் போட்டியிட்டவரும் ஆவார்.
கிராண்ட்ஸ்லாம் போட்டியின் இறுதிச்சுற்றில் வெற்றி பெற்ற முதலாவது பெலருஸ் வீராங்கனை அசரென்கா ஆவார். 1988-ல் பிரெஞ்சு ஓப்பன் போட்டியில் அப்போதைய சோவியத் ஒன்றியத்தைச் சேர்ந்த நத்தாசா சுவேரேவா இறுதிச்சுற்று வரை முன்னேறியதே இன்றளவும் சாதனையாக உள்ளது.
[தொகு] மூலம்
- Victoria Azarenka stuns Maria Sharapova in Australian Open final, பிபிசி, சனவரி 28, 2012
- Azarenka new world No.1 with Australian Open win, சிட்னி மோர்னிங் எரால்டு, சனவரி 28, 2012
