சீன வானில் மூன்று சூரியன்கள்
- 7 சனவரி 2018: ஈரானிய எண்ணெய் கப்பல் சீன சரக்கு கப்பலுடன் மோதியதில் 32 பேரை காணவில்லை
- 16 திசம்பர் 2016: அமெரிக்காவின் ஆளில்லா இயக்க நீர்மூழ்கியை தென் சீனக் கடலில் சீனா கைப்பற்றியது
- 13 அக்டோபர் 2016: சீனா: 6 மாடி கட்டிடம் இடிந்து விழுந்து 22 பேர் பலி
- 2 சூன் 2015: சீனாவில் யாங்சி ஆற்றில் கப்பல் கவிழ்ந்ததில் 456 பேர் மூழ்கினர்
- 9 ஏப்பிரல் 2015: தைவான் முன்னாள் அதிபருக்கு ஆயுள் தண்டனை
திங்கள், நவம்பர் 4, 2013
சீனாவின் வடக்கே உள்ள உள் மங்கோலியா சுயாட்சி பகுதியில் மூன்று சூரியன்கள் தோன்றிய அற்புத வானியல் நிகழ்வை அங்குள்ள மக்கள் கண்டு களித்தனர். கடந்த வெள்ளிக்கிழமை காலை ஒன்பது மணியளவில் வானில் சூரியனுடன் உடன் பிறப்புகளான இரட்டை சிறிய சூரியன்கள் திடீரென்று உருவாகின. இவை மூன்றும் வானவில் போன்ற ஒளி வட்டத்தால் சூழப்பட்டது போல் காணப்பட்டன.
சீப்பெங் நகரில் தோன்றிய இந்த நிகழ்ச்சி வானில் இரண்டு மணி நேரம் நீடித்தது. பலர் இந்நிகழ்வைத் தமது காணொளிக் கருவிகளில் பதிவு செய்து கொண்டனர். சில பகுதிகளில் ஐந்து சூரியன்கள் தோன்றியதாகவும் சிலர் கூறினர்.
இது ஒரு அறிவியல் விண்வெளி நிகழ்வு என்று சீப்பெங் வானிலை ஆய்வு மையம் கூறியது. இதற்கு போலிச் சூரியன் அல்லது பனிக்கட்டி ஒளிவட்டம் (ice halo) என்று பெயர்கள் உண்டு. வானில் 6000 மீட்டர் உயரத்துக்கு மேல் பனிக்கட்டிகள் உருவாகும் போது அதில் ஊருடுவும் ஒளிச் சிதறல்கள், வானவில் உருவாவது போல் சூரியன்களை உருவாக்குகிறது என்று வானிலை ஆய்வு மைய ஆய்வாளர் சாங் சிங் கூறினார்.
மூலம்[தொகு]
- http://www.theekkathir.in/North-China-sky-has-three-suns சீன வானில்மூன்று ஆதவன்கள்], தீக்கதிர்
- Three suns rise over China, நைன் நியூஸ், நவம்பர் 3, 2013
- North China sky rebels against one-child policy, has three 'suns'
