வவுனியா நகரசபைத் தேர்தலில் தமிழரசுக் கட்சியும், யாழ்ப்பாணத்தில் ஆளும் கட்சியும் வெற்றி
சனி, ஆகத்து 8, 2009, இலங்கை:
இன்று நடைபெற்ற யாழ் மாநகரசபை, மற்றும் ஊவா மாகாணசபைத் தேர்தல்களில் ஆளும் ஐக்கிய மக்கள் சுதந்திரக் கூட்டணியும், வவுனியா நகரசபைத் தேர்தலில் தமிழர் தேசியக் கூட்டமைப்பின் இலங்கை தமிழரசுக் கட்சியும் வெற்றி பெற்றதாக அதிகாரபூர்வமாக அறிவிக்கப்பட்டுள்ளது.
- வவுனியா நகரசபை
இலங்கைத் தமிழரசுக் கட்சி 4279 (34.81%) வாக்குகளை பெற்று 5 ஆசனங்களை பெற்று வெற்றிபெற்றுள்ளது.
ஜனநாயக மக்கள் விடுதலை முன்னணி பெற்றுக்கொண்ட மொத்தவாக்குகளின் எண்ணிக்கை 4136 (33.65%). இதன்படி அது 3 ஆசனங்களை பெற்றுக்கொண்டது.
ஆளும் ஐக்கிய மக்கள் சுதந்திர கூட்டமைப்பு 3045 (24.77%) வாக்குகளை பெற்று, 2 ஆசனங்களைப் பெற்றது.
இலங்கை முஸ்லிம் காங்கிரஸ் 587 (4.78%) வாக்குகளை பெற்று, 1 ஆசனத்தைப் பெற்றது.
ஐக்கிய தேசியக் கட்சி 228 (1.85%) வாக்குகளைப் பெற்று ஆசனங்கள் எதனையும் கைப்பற்றவில்லை.
மொத்தம் 24,626 வாக்காளர்கள் உள்ள வவுனியா நகரசபை வட்டாரத்தில், 12,850 பேர் (52%) மட்டுமே வாக்களித்திருந்தனர்.
- யாழ்ப்பாணம் மாநகரசபை
யாழ்ப்பாண மாநரகசபையை ஆளும் ஐக்கிய மக்கள் சுதந்திர கூட்டமைப்பு கைப்பற்றியுள்ளது. இறுதி முடிவுகள் வருமாறு:
ஐக்கிய மக்கள் சுதந்திர கூட்டமைப்பு 10602 (50.67%) வாக்குகளை பெற்று 13 இடங்களைக் கைப்பற்றியுள்ளது.
இலங்கை தமிழரசுக்கட்சி 8008 (38.28%) வாக்குகளைப் பெற்று 8 இடங்களைப் பெற்றது.
சுயேட்சைக் குழு - ஒன்று 1175 (5.62%) வாக்குகளை பெற்று 1 இடத்தைப் பெற்றது.
தமிழர் விடுதலைக் கூட்டணி 1007 (4.81%) வாக்குகளை பெற்று ஒரு இடத்தைப் பெற்றது.
மொத்தம் 100,417 வாக்காளர்கள் உள்ள யாழ்ப்பாண மாநகரசபை வட்டாரத்தில், 22,280 பேர் (20%) மட்டுமே வாக்களித்திருந்தமை குறிப்பிடத்தக்கது.
- ஊவா மாகாணசபை
ஊவா மாகாணசபை தேர்தலின் இறுதி முடிவுகளின் படி ஐக்கிய மக்கள் சுதந்திர கூட்டமைப்பு 418,906 வாக்குகளை பெற்று 25 இடங்களைக் கைப்பற்றியுள்ளது.
ஐக்கிய தேசிய கட்சி 129,144 வாக்குகளை பெற்று 7 இடங்களைக் கைப்பற்றியுள்ளது.
ஜே.வி.பி பெற்ற 14,639 வாக்குகளைப் பெற்று இடத்தைப் பெற்றது.
மலையக மக்கள் முன்னணி 9,227 வாக்குகளுடன் 1 இடத்தைப் பெற்றுள்ளது.