சுவிஸ் வானியலாளருக்கு ஆர்மேனியாவின் விக்டர் அம்பார்த்சூமியான் விருது வழங்கப்பட்டது
ஞாயிறு, செப்டெம்பர் 19, 2010
- 8 பெப்பிரவரி 2018: இசுபேசு எக்சு விண்கலம் தெல்சா காரை விண்ணுக்கு செலுத்தியது
- 23 பெப்பிரவரி 2017: பூமியின் அளவை ஒத்த ஏழு புதிய கிரகங்கள் கண்டுபிடிப்பு
- 15 பெப்பிரவரி 2017: இந்தியா 104 செயற்கை கோள்களை ஒரே சமயத்தில் ஏவியது
- 14 சனவரி 2017: இசுபேசு-எக்சு 10 செயற்கைக்கோள்களை வெற்றிகரமாக ஏவியது
- 15 திசம்பர் 2016: கலிலியோ செயற்கைகோள் செயல்பாட்டுக்கு வந்தது
சுவிட்சர்லாந்து ஜெனீவா பல்கலைக்கழகத்தைச் சேர்ந்த வானியலாளர் மைக்கல் மேயருக்கு முதலாவது விக்டர் அம்பார்த்சூமியான் விருது ஆர்மேனியாவின் தலைநகர் யெரிவானில் வைத்து கடந்த வியாழனன்று வழங்கப்பட்டுள்ளது.
எமது சூரியக் குடும்பத்திற்கு வெளியே உள்ள கோள்களைப் (வெளிக்கோள்கள்) பற்றிய ஆய்வுக்காக இவருக்கும் இவரது ஆய்வில் கலந்து கொண்ட கரிக் இசுரேலியான், நூனோ சாண்டொசு ஆகியோருக்கும் சேர்த்து இப்பரிசு வழங்கப்பட்டுள்ளது.
வெளிக்கொள்கள் இருப்பதை 1995 ஆம் ஆண்டில் முதற் தடவையாகக் கண்டுபிடித்தவர் இவரே. இவர் 51 பெகாசி பி என்ற புறக்கோளைக் கண்டுபிடித்தார்.
"கடந்த 10 ஆண்டுகளாக மைக்கல் மேயரும் அவரது குழுவும் புறக்கோள்களின் இயற்பியல், மற்றும் வேதி இயல்புகளை ஆராய்ந்து அறிந்துள்ளனர். இந்த ஆய்வுகள் கோள்களின் தோற்றத்தை ஆராயும் ஆய்வுக்கு மிக முக்கியமானதாகும்," என சுவிட்சர்லாந்து அறிவியல் கழகம் தெரிவித்துள்ளது.
இப்பரிசு முதன் முதலில் 2009 ஆம் ஆண்டில் ஆர்மேனியாவின் அரசுத்தலைவர் சேர்ஸ் சார்க்சியானினால் அறிவிக்கப்பட்டது. ஆர்மேனியாவின் தலைசிறந்த இயற்பியலாளரும் வானியலாளருமான விக்டர் அம்பார்த்சூமியானின் நினைவாக இப்பரிசு வழங்கப்படுகிறது. இரண்டு ஆண்டுகளுக்கு ஒரு முறை வழங்கப்படவிருக்கும் இப்பரிசு $500,000 அமெரிக்க டாலர்கள் பெறுமதியானதாகும்.
மூலம்
- Armenian award for Swiss astronomer, சுவிஸின்ஃபோ, செப்டம்பர் 17, 2010
- Viktor Ambartsumian Prize 2010 Winners
