ஆப்கானிய பயணிகள் விமானம் வீழ்ந்து விபத்துக்குள்ளானது

திங்கள், மே 17, 2010

ஆப்கானிஸ்தான்

ஆப்கானிஸ்தானில் இருந்து ஏனைய செய்திகள்

• 27 ஜனவரி 2018: காபூலில் நடந்த தற்கொலைதாரி தாக்குதலில் குறைந்தது 95 பேர் பலி
• 13 ஏப்ரல் 2017: ஆப்காத்தானில் அமெரிக்கா அனைத்து குண்டுகளின் தாய் எனப்படும் பெரும் வெடிகுண்டை போட்டது
• 28 அக்டோபர் 2015: பாகிஸ்தான், ஆப்கனில் நிலநடுக்கம், 263 பேர் உயிரிழப்பு
• 9 ஏப்ரல் 2015: தலிபான்களால் கடத்தப்பட்ட பிரித்தானியச் செய்தியாளர் மீட்பு
• 21 செப்டம்பர் 2014: ஆப்கானித்தானில் தேர்தல் சர்ச்சைக்கு பின் ஏற்பட்ட சமரசத்தில் புதிய அதிபர் தேர்ந்தெடுப்பு

...மேலும் செய்திகளுக்கு

ஆப்கானிஸ்தானின் அமைவிடம்

40 பேரை ஏற்றிச் சென்ற ஆப்கானியப் பயணிகள் விமானம் ஒன்று குண்டூசுக்கும் காபூலுக்கும் இடையில் வீழ்ந்து விபத்துக்குள்ளாகியுள்ளதாக அதிகாரிகள் தெரிவித்தனர்.

தலைநகர் காபூலிற்கு வடக்கே 100 கிலோமீட்டர் தொலைவில் சலாங் பாஸ் என்ற மலைப்பகுதியில் பாமிர் ஏர்வேஸ் விமானம் வீழ்ந்துள்ளதாக நம்பப்படுகிறது.

இன்று காலையில் இருந்து இவ்விமானம் காணாமல் போனதாகத் தெரிவிக்கப்படுகிறது. சில வெளிநாட்டவர்களும் இவ்விமானத்தில் பயணித்ததாக சொல்லப்படுகிறது.

அமெரிக்க, மற்றும் நேட்டோ மீட்புப் பணியாளர்கள் விபத்து நடந்த இடத்தை நோக்கி சென்றுள்ளார்கள்.

"38 பயணிகளும் 5 விமானச் சிப்பந்திகளும் இவ்விமானத்தில் பயணித்து உறுதி செய்யப்பட்டுள்ளது," என உள்ளக அமைச்சர் செமராய் பஷாரி தெரிவித்தார்.

விபத்துக்குள்ளான பாமிர் ஏர்வேஸ் தனியாருக்குச் சொந்தமானது. கடந்த 1995 முதல் ஆப்கானில் செயல்பட்டு வருகிறது. தினமும் அமீரகத்தில் உள்ள w:துபாய் நகருக்கு சேவை வழங்கி வருகிறது.

மூலம்

• "Afghan passenger plane 'crashes near Salang Pass'". பிபிசி, மே 17, 2010

• "Passenger Plane Crashes in Northern Afghanistan". வாய்ஸ் ஆப் அமெரிக்கா செய்திகள், மே 17, 2010