ஜூலியா கிலார்ட் ஆஸ்திரேலியாவின் முதலாவது பெண் பிரதமராகத் தெரிவு

வியாழன், சூன் 24, 2010

ஆஸ்திரேலியா

ஆஸ்திரேலியாவில் இருந்து ஏனைய செய்திகள்

• 6 அக்டோபர் 2016: இந்தியாவின் சிசாட்-18 ஏரியான் விண்கலம் மூலம் விண்ணுக்கு செலுத்தப்பட்டது
• 19 டிசம்பர் 2015: பூமிக்கு அருகில் உயிரினம் வாழத்தக்க கோள் ஒன்றை ஆத்திரேலிய அறிவியலாளர்கள் கண்டுபிடித்தனர்
• 29 ஏப்ரல் 2015: இத்தோனேசியாவில் எட்டு பேருக்கு மரணதண்டனை நிறைவேற்றப்பட்டது
• 9 ஏப்ரல் 2015: தென்கொரியாவுக்கும் ஜப்பானுக்கும் எரிவாயு வழங்க ஆஸ்திரேலியா ஒப்பந்தம்
• 9 ஏப்ரல் 2015: கிழக்கு திமோரில் செய்தியாளர்கள் கொலை தொடர்பில் ஆஸ்திரேலியா போர்க்குற்ற விசாரணை

...மேலும் செய்திகளுக்கு

ஆஸ்திரேலியாவின் அமைவிடம்

ஆளும் தொழிற்கட்சியின் தலைமைப் பதவிக்கு ஏற்பட்ட திடீர்ப் போட்டியில் பிரதமர் கெவின் ரட் தோல்வியடைந்ததை அடுத்து, துணைப் பிரதமராக இருந்த ஜூலியா கிலார்ட் கட்சித் தலைவராகவும், ஆஸ்திரேலியாவின் முதலாவது பெண் பிரதமராக இன்று தேர்ந்தெடுக்கப்பட்டார்.

புதிய பிரதமர் ஜூலியா கிலார்ட்

முன்னாள் பிரதாமர் கெவின் ரட்

கெவின் ரட் தான் இப்போட்டியில் தோல்வியடைவதைத் தவிர்ப்பதற்காக அவர் போட்டியிடுவதில் இருந்து ஒதுங்கிக் கொண்டார்.

சிறந்ததொரு அரசு அடுத்த அக்டோபர் மாதத்தில் இடம்பெறவிருக்கும் பொதுத்தேர்தலில் தோல்வியடைவதில் இருந்து தவிர்ப்பதற்காகவே தாம் தலைமைப் பதவிக்குப் போட்டியிட்டதாக கிலார்ட் தெரிவித்தார்.

இவ்வாண்டு கருத்துக் கணிப்பு வாக்கெடுப்புகளில் ஆளும் தொழிற்கட்சி கடும் சரிவைக் கண்டிருந்தது. அண்மையில் ரட் அரசு அறிவித்திருந்த சர்ச்சைக்குரிய சுரங்க நிறுவனங்களுக்கான வரி அதிகரிப்பு கடும் எதிர்ப்பைக் கிளப்பியிருந்தது.

ஐக்கிய இராச்சியத்தில் தெற்கு வேல்சில் 1961 இல் பிறந்த ஜூலியா கிலார்ட் நான்காவது வயதில் தமது குடும்பத்துடன் ஆஸ்திரேலியாவுக்குக் குடி பெயர்ந்தார்.

இவ்வாண்டு ஆரம்பத்தில் கெவின் ரட் ஆஸ்திரேலியாவின் கடந்த 30 ஆண்டுகளில் புகழ் பெற்ற பிரதமர்களில் ஒருவராகக் கணிக்கப்பட்டிருந்தார்.

மூலம்

• Australia has first woman PM as Gillard replaces Rudd, பிபிசி, ஜூன் 24, 2010
• Australia gets its 1st female PM as Rudd ousted, வாஷிங்டன் போஸ்ட், ஜூன் 24, 2010