ரஜினிகாந்த், கமல்ஹாசன் இணையும் பிரம்மாண்ட படம்
வியாழன், சூலை 1, 2010
- 25 பெப்ரவரி 2018: நடிகை ஸ்ரீதேவி மாரடைப்பால் மரணமடைந்தார்
- 6 நவம்பர் 2015: யேல் ஃபெல்லோ விருதை இந்தியத் திரைப்பட நடிகை நந்திதா தாஸ் பெற்றார்
- 6 நவம்பர் 2015: '''பரதேசி''' என்ற தமிழ் திரைப்படம் நான்கு விருதுகளை பெற்றுள்ளது.
- 23 டிசம்பர் 2014: பழம்பெரும் இயக்குனர் கைலாசம் பாலசந்தர் காலமானார்
- 7 சூன் 2014: ரமணா திரைப்படத்தில் வரும் கதாபாத்திர பேராசிரியர் பணி ஓய்வு - கண் கலங்கிய மாணவர்கள்
சிவாஜி பிலிம்ஸ் தயாரிக்கவிருக்கும் திரைப்படத்தில் சூப்பர் ஸ்டார் ரஜினிகாந்தும், உலக நாயகன் கமல்ஹாசனும் இணைந்து நடிக்கலாம் என்று கூறப்படுகிறது.
ரஜினிகாந்தும் கமல்ஹாசனும் கடைசியாக இணைந்து நடித்த படம் நினைத்தாலே இனிக்கும். அதன் பின்னர் அவர்கள் இருவரும் தனித்தனியே பிரிந்து தமக்கென தனி பாணியை வகுத்துக்கொண்டு நடித்து வந்தனர். இவர்கள் இருவரையும் பல்வேறு தரப்பினர் ஒன்றாக நடிக்க வைக்கத் திட்டமிட்டு அது நடைபெறாமலே போய்விட்டது.
இந்நிலையில் இருவரையும் இணைந்து நடிக்க வைக்கக் கடும் முயற்சிகள் நடந்து கொண்டுள்ளன. சில காலமாகவே இந்த முயற்சிகள் தீவிரமாகவே உள்ளதாக அதிகாலை.காம் செய்தியாளர் தெரிவிக்கிறார். சமீபத்தில் வெளியான 'ரெட்டச்சுழி' படத்தில் முதன்முதலில் இயக்குனர் தாமிரா இவர்களிருவரையுமே நடிக்க வைக்கலாம் என்று நினைத்திருந்ததாக ஒரு பேட்டியில் தெரிவித்திருந்தார். ஆனால், கடைசியில் அந்த முயற்சியையும் கைவிடப்பட்டது.
ரஜினியையும், கமலையும் நடிக்க வைக்க தற்போதுத சிவாஜி பிலிம்ஸ் முயற்சித்துள்ளது. இந்நிறுவனம் தயாரிக்கும் புதிய படத்தில் கமலும், ரஜினியும் இணையப் போவதாக தகவல்கள் கசிந்துள்ளன.
மூலம்
- சூப்பர் ஸ்டார் ரஜினி காந்த் - உலக நாயகன் கமல்ஹாசன் இணையும் பிரம்மாண்ட படம், அதிகாலை.காம், ஜூன் 29, 2010
