ஸ்கொட்லாந்து விடுதலை பெறும் நாள் 2016 மார்ச் 24 எனக் குறிக்கப்பட்டது

ஸ்கொட்லாந்து

ஸ்கொட்லாந்தில் இருந்து ஏனைய செய்திகள்

• 20 செப்டெம்பர் 2014: இசுக்காட்லாந்து விடுதலைக்கு எதிராக வாக்கெடுப்பில் மக்கள் வாக்களிப்பு
• 13 செப்டெம்பர் 2014: சுதந்திர இசுக்காட்லாந்தை எதிர்க்கும் வணிக நிறுவனங்களுக்கு தேசியவாதிகள் எச்சரிக்கை
• 25 நவம்பர் 2013: ஸ்கொட்லாந்து விடுதலை பெறும் நாள் 2016 மார்ச் 24 எனக் குறிக்கப்பட்டது
• 10 மார்ச்சு 2011: வெண்கலக்கால மனித எச்சங்கள் ஸ்கொட்லாந்தில் கண்டுபிடிப்பு

...மேலும் செய்திகளுக்கு

ஸ்கொட்லாந்தின் அமைவிடம்

திங்கள், நவம்பர் 25, 2013

ஐக்கிய இராச்சியத்தில் இருந்து பிரிந்து போவதற்கு நடத்தப்படவிருக்கும் பொதுக் கருத்துக்கணிப்பு வெற்றி பெறும் பட்சத்தில் 2016 மார்ச் 24 ஸ்கொட்லாந்து விடுதலை பெறுவதற்கான நாளாக நிர்ணயிக்கப்பட்டுள்ளது.

ஸ்கொட்லாந்து விடுதலைக்கான திட்டவரைபை உள்ளடக்கிய வெள்ளை ஆவணம் ஒன்றிலேயே இந்தத் தேதி அறிவிக்கப்பட்டுள்ளது.

இந்த வெள்ளை ஆவணத்தில் ஸ்கொட்லாந்தின் பொருளாதார வளர்ச்சி, தொழில் சமத்துவம் போன்ற பல விடயங்களும் உள்ளடக்கப்பட்டுள்ளதாக மாநிலத்தின் துணை முதலமைச்சர் நிக்கோலா ஸ்டர்ஜியன் கூறினார். இந்த 670-பக்க வெள்ளை ஆவணம் நாளை செவ்வாய்க்கிழமை வெளியிடப்படவுள்ளது.

ஸ்கொட்லாந்தின் செயலாளர் அலிஸ்டர் கார்மைக்கேல் இது குறித்துக் கருத்துத் தெரிவிக்கையில், "உத்தேச வாக்கெடுப்பு ஐக்கிய இராச்சியத்தின் எதிர்காலத்திற்கு ஒரு பெரும் சவால்," எனக் குறிப்பிட்டார்.

ஸ்கொட்லாந்து விடுதலை பெறுவதற்கான கருத்துக் கணிப்பு வாக்கெடுப்பு 2014 செப்டம்பர் மாதம் 18 ஆம் நாள் நடைபெறவுள்ளது. வாக்கெடுப்பு வெற்றி பெற்றால், தற்போதைய ஸ்கொட்லாந்து நாடாளுமன்றம் 2016 மார்ச் 23 நள்ளிரவு கலைக்கப்படும்.

மூலம்

• Proposed date for Scottish independence named, பிபிசி, நவம்பர் 24, 2013
• Scottish Independence: Salmond hails Scots prospects ahead of White Paper, பிபிசி, நவம்பர் 25, 2013
• City is centre stage in independence debate, ஈவினிங் டைம்சு, நவம்பர் 25, 2013