தெற்கு சூடானில் கால்நடை அபகரிப்புக்காக மேற்கொள்ளப்பட்ட தாக்குதலில் 74 பேர் கொல்லப்பட்டனர்

தெற்கு சூடான்

தெற்கு சூடானில் இருந்து ஏனைய செய்திகள்

• 20 ஏப்ரல் 2012: ஹெக்லிக் எண்ணெய்ப் பிரதேசத்தில் இருந்து தமது படையினரை வெளியேற்ற தெற்கு சூடான் முடிவு
• 17 ஏப்ரல் 2012: தெற்கு சூடானை 'எதிரி நாடாக' சூடானிய நாடாளுமன்றம் அறிவித்தது
• 12 ஏப்ரல் 2012: தெற்கு சூடான் மீது சூடான் வான்தாக்குதல் நடத்தியது
• 11 பெப்ரவரி 2012: சூடானுக்கும் தெற்கு சூடானுக்கும் இடையில் அமைதி உடன்பாடு எட்டப்பட்டது
• 4 பெப்ரவரி 2012: தெற்கு சூடானில் அமைதிப் பேச்சுக்களில் துப்பாக்கிச் சூடு, 37 பேர் உயிரிழப்பு

...மேலும் செய்திகளுக்கு

தெற்கு சூடானின் அமைவிடம்

புதன், பெப்ரவரி 1, 2012

தெற்கு சூடானில் கால்நடைகளை அபகரிப்பதற்காக வாறாப் மாநிலத்தில் மேற்கொள்ளப்பட்ட தாக்குதல்களில் இறந்தோர் எண்ணிக்கை குறைந்தது 74 பேராக அதிகரித்துள்ளது. இறந்தவர்களில் 45 பெர் பெண்களும் சிறுவர்களும் ஆவர். மேலும் 72 பேர் காயமடைந்துள்ளனர்.

யுனிட்டி மாநிலத்தில் சூடானின் அரசுப் படையின் ஆதரவில் இயங்கும் போராளிகளே இத்தாக்குதலை நடத்தியதாக தெற்கு சூடானின் உட்துறை அமைச்சர் செய்தியாளர்களிடம் தெரிவித்தார்.

தெற்கு சூடான் சூடானிடம் இருந்து கடந்த ஆண்டு பிரிந்ததில் இருந்து அங்கு இரு நாடுகளுக்கும் இடையே முறுகல் நிலை அதிகரித்து வருகிறது.

தெற்கு சூடானில் கால்நடை வளர்ப்பே பெரும்பான்மையோருக்கு வருமானத்தைத் தருகிறது. கடந்த சில வாரங்களாக ஜொங்கிளெய் மாநிலத்தில் கால்நடைகளுக்காக இடம்பெற்றுவரும் சண்டையில் நூற்றுக்கணக்கானோர் இறந்துள்ளனர்.

தொடர்புள்ள செய்தி

• தெற்கு சூடானில் இனமோதல், பல்லாயிரக்கணக்கானோர் வெளியேற்றம், சனவரி 3, 2012

மூலம்

• South Sudan: Cattle raid in Warrap state 'kills 74', பிபிசி, சனவரி 30, 2012
• Scores dead in cattle raid in South Sudan, ஏபிசி, சனவரி 31, 2012