ஈராக் போர் தொடர்பான இரகசிய ஆவணங்களை 'விக்கிலீக்ஸ்' வெளியிட்டது
சனி, அக்டோபர் 23, 2010
- 22 ஆகத்து 2013: விக்கிலீக்சிற்கு இரகசியங்களைக் கசிய விட்ட பிராட்லி மானிங்கிற்கு 35 ஆண்டுகள் சிறைத்தண்டனை
- 4 சூன் 2013: விக்கிலீக்ஸ் ரகசியங்களை வெளியிட்டது குற்றமில்லை, டேனியல் எல்ஸ்பெர்க்
- 17 ஆகத்து 2012: விக்கிலீக்ஸ் நிறுவனர் அசான்ச்சிற்கு எக்குவடோர் அரசு புகலிடம் அளித்தது
- 23 திசம்பர் 2011: பலருக்கு விக்கிப்பீடியா இன்னும் சிக்கல் நிறைந்ததாக உள்ளது, ஜிம்மி வேல்ஸ் கூறுகிறார்
- 23 திசம்பர் 2011: விக்கிலீக்ஸ் வெளியிடவிருக்கும் இராசதந்திர ஆவணங்கள் தொடர்பாக அமெரிக்கா எச்சரிக்கை
2004 தொடக்கம் 2009 வரை அமெரிக்க இராணுவத்தினரின் ஈராக் போர்க் குற்ற நடவடிக்கைகளை விளக்கும் கிட்டத்தட்ட 400,000 இரகசிய ஆவணங்களை நேற்று வெள்ளிக்கிழமை அன்று விக்கிலீக்ஸ் இணையத்தளம் வெளியிட்டுள்ளது.
.jpg)
அமெரிக்க இராணுவ வரலாற்றில் இதுவரையில் இவ்வளவு தொகையான ஆவணங்கள் கசியப்படவில்லை எனத் தெரிவிக்கப்படுகிறது. இவ்வாவணங்களின் படி, 2004-2009 காலப்பகுதியில் 109,000 இறப்புகள் பதியப்பட்டுள்ளன என்றும், இவர்களில் 66,000 பேர் பொது மக்கள் என்றும் கூறப்படுகிறது
ஈராக்கில் போர் நடந்த காலங்களில் இடம்பெற்ற மனித உரிமை மீறல்கள், சிறைச்சாலைகளில் போர்க் கைதிகள் சித்திரவதி செய்யப்படுதல், போன்ற பல ஆவணங்கள் வெளியிடப்பட்டுள்ளன.
அமெரிக்க இராணுவக் காவல் அரண்களில் மட்டும் நூற்றுக்கணக்கான பொதுமக்கள் சுட்டுக் கொல்லப்பட்டிருக்கின்றனர். பொதுமக்கள் இறப்பு தொடர்பான ஆவணங்களை அமெரிக்க இராணுவம் வெளியிடாமல் இரகசியமாகப் பேணி வந்துள்ளதாகவும் விக்கிலீக்ஸ் குற்றம் சாட்டியுள்ளது.
”சட்டவிரோதமாகப் படுகொலை செய்யப்பட்ட 40 பொதுமக்கள் தொடர்பான ஆவணங்கள் வழக்குப் பதிவதற்கு ஏதுவானது” என விக்கிலீக்சின் ஆசிரியரும், நிறுவனருமான ஜூலியன் அசான்ச் அல்ஜசீரா தொலைக்காட்சிக்குத் தெரிவித்தார்.
மூலம்
- The WikiLeaks Iraq War Logs: Greatest Data Leak in US Military History, அக்டோபர் 22, 2010
- Huge Wikileaks release shows US 'ignored Iraq torture', பிபிசி, அக்டோபர் 23, 2010
- US: Iran took hikers on Iraq side of border, வாசிங்டன் போஸ்ட், அக்டோபர் 22, 2010
