தென்னாப்பிரிக்க முன்னாள் தலைவர் நெல்சன் மண்டேலாவுக்கு தொடர்ந்து சிகிச்சை

வியாழன், சூன் 13, 2013

தென்னாப்பிரிக்காவின் முன்னாள் அரசுத்தலைவர் நெல்சன் மண்டேலா, தொடர்ந்து ஐந்தாவது நாளாக மருத்துவமனையில் சிகிச்சை பெற்று வருகிறார். அவரது உடல்நிலை சீராக உள்ளதாக மருத்துவர்கள் தெரிவித்தனர்.

94 வயதான மண்டேலா ஜோகன்னஸ்பர்க்கில் உள்ள பிரிட்டோரியா மருத்துவமனையில் ஆறாவது நாளாகத் தங்கியிருந்து நுரையீரல் தொற்றுநோய் தொடர்பான சிகிச்சை பெற்று வருகிறார். அவரை அவரது மகள்கள் மகஜியா, செனானி ஆகியோர் உடனிருந்து கவனித்து வருகின்றனர். தங்களது தந்தை உடல்நலம் பெற பிரார்த்தனை செய்யுமாறு அவர்கள் கேட்டுக்கொண்டுள்ளனர்.

மண்டேலா வெள்ளையின சிறுபான்மை அரசுக்கு எதிரான போராட்டத்துக்குத் தலைமை வகித்தவர். தென்னாப்பிரிக்காவின் முதல் கறுப்பின அரசுத்தலைவராக 1994 ஆம் ஆண்டில் தேர்ந்தெடுக்கப்பட்டார். ஐந்தாண்டுகளின் பின்னர் பதவியில் இருந்து விலகிக் கொண்டார். 2004 ஆம் ஆண்டில் பொது வாழ்வில் இருந்து ஓய்வெடுத்துக் கொண்ட நெல்சன் மண்டேலா அதன் பின்னர் பொது நிகழ்ச்சிகளில் பங்கேற்பதைத் தவிர்த்துக் கொண்டார்.

இச்செய்தி பற்றிய உங்கள் கருத்தை இங்கே பதியுங்கள்!

மூலம்

Nelson Mandela responding better to treatment, சிபிசி, ஜூன் 12, 2013
Nelson Mandela: South Africa welcomes 'progress', பிபிசி, ஜூன் 13 2013

இச்செய்தியைப் பகிர்க: