டாக்காவில் இடம்பெற்ற தீ விபத்தில் நூற்றுக்கும் அதிகமானோர் உயிரிழப்பு

வெள்ளி, சூன் 4, 2010

வங்காளதேசம்

வங்காளதேசத்தில் இருந்து ஏனைய செய்திகள்

• 11 பெப்பிரவரி 2024: 2024 வங்காளதேசத் தேர்தல் முடிவுகள்
• 22 நவம்பர் 2015: போர்க்குற்றங்களுக்காக இரண்டு எதிர்க்கட்சித் தலைவர்கள் வங்காளதேசத்தில் தூக்கிலிடப்பட்டனர்
• 9 மார்ச்சு 2014: துடுப்பாட்டம்: இலங்கை அணி ஆசியக் கோப்பையை வென்றது
• 31 சனவரி 2014: ஆயுதம் கடத்திய குற்றத்திற்காக வங்காளதேச எதிர்க்கட்சித் தலைவருக்கு தூக்குத்தண்டனை தீர்ப்பு
• 6 சனவரி 2014: வங்காளதேசத்தில் எதிர்க்கட்சிகள் புறக்கணித்த தேர்தலில் ஆளும் அவாமி லீக் கட்சி வெற்றி

...மேலும் செய்திகளுக்கு

வங்காளதேசத்தின் அமைவிடம்

வங்காளதேசத் தலைநகர் டாக்காவில் மக்கள் நெருக்கடியான பகுதியொன்றில் அடுக்குமாடிக் கட்டடம் ஒன்றில் தீப்பற்றியதில் குறைந்தது 116 பேர் கொல்லப்பட்டதாக அறிவிக்கப்பட்டுள்ளது. 50 பேர் காயமடைந்தனர்.

பழம்பெரும் நிம்ட்டோலி மாவட்டத்தில் நேற்று வியாழக்கிழமை இரவு மின்மாற்றி ஒன்று வெடித்ததனால் ஏற்பட்ட தீ ஐந்து மாடி குடிமனை மற்றும் அருகில் உள்ள கடைகள், மற்றும் குடிசைகளில் பரவியதில் இந்த அனர்த்தம் நிகழ்ந்துள்ளது. மாடிக்கட்டடத்தின் உச்சியில் ஒரு திருமண வைபவமும் அந்நேரம் இடம்பெற்றுக் கொண்டிருந்ததாகவும் தெரிவிக்கப்படுகிறது. இறந்தவர்களில் குழந்தைகள், பெண்களும் அடங்குவர்.

கடந்த 20 ஆண்டுகளில் டாக்காவில் இடம்பெற்ற தீவிபத்துக்களில் பெரியது இதுவாகும். தீ தற்போது கட்டுப்பாட்டுக்குள் கொண்டுவரப்பட்டுள்ளதாகவும், இறந்தவர்களின் உடல்களைத் தேடும் பணி தொடருவதாகவும் அதிகாரிகள் தெரிவித்தனர்.

"கடைகளில் வேதிப் பொருட்கள் பல விற்பனை செய்யப்பட்டு வந்ததால் தீ விரைவாகப் பரவியிருந்தது," என தீயணைப்பு அதிகாரி ஒருவர் பிபிசி செய்தியாளருக்குத் தெரிவித்தார்.

வங்காளதேசப் பிரதமர் காயமடைந்தோரை நேரில் சென்று பார்வையிட்டார். சனிக்கிழமை தேசிய துக்க நாளாக அறிவிக்கப்பட்டுள்ளது.

மூலம்

• Bangladeshi housing-block fire kills more than 100, பிபிசி, ஜூன் 4, 2010
• Fire in Dhaka kills at least 114 people as chemicals suffocate victims, டைம்ஸ், ஜூன் 4, 2010
• Death toll in Bangladesh fire rises to 109, 50 others critically injured, டைம்ஸ் ஒஃப் இந்தியா, ஜூன் 4, 2010