2012 ஆசியக் கோப்பை துடுப்பாட்டத் தொடர் வங்காளதேசத்தில் ஆரம்பம்
- 30 டிசம்பர் 2018: ஆத்திரேலிய அணிக்கு எதிரான மூன்றாவது தேர்வு துடுப்பாட்ட போட்டியில் இந்திய அணி வெற்றி
- 17 ஜனவரி 2018: வட, தென் கொரியாக்கள் ஒரே கொடியின் கீழ் குளிர் கால ஒலிம்பிக்கை எதிர்கொள்ளுகின்றன
- 15 டிசம்பர் 2016: கத்தார் நாடு காப்லா முறையை ஒழித்துள்ளது
- 29 நவம்பர் 2016: பிரேசிலின் கால்பந்தாட்ட குழு சென்ற வானூர்தி விபத்துக்கு உள்ளாகியதில் 75 பேர் பலி
- 18 ஜனவரி 2016: ஜல்லிக்கட்டு தடையால் களையிழந்த கிராமங்கள்
ஞாயிறு, மார்ச் 11, 2012
நான்கு நாடுகள் பங்கேற்கும் 2012 ஆசியக் கோப்பை துடுப்பாட்டத் தொடர் இன்று வங்காளதேசத்தின் மிர்பூர் நகரில் பங்கா மைதானத்தில் ஆரம்பமாகிறது. 26 ஆண்டுகள் பழைமை வாய்ந்த ஆசியக் கோப்பை துடுப்பாட்டத் தொடரில் இப்போது நடைபெறுவது 11-வது ஆண்டு போட்டியாகும்.
இத்தொடரில் இந்தியா, பாக்கித்தான், இலங்கை மற்றும் வங்காளதேசம் ஆகிய நான்கு நாடுகள் பங்கேற்கின்றன. தொடரின் முதல் போட்டியில் பாக்கித்தான், வங்காளதேச அணிகள் இன்று மோதுகின்றன.
ஒவ்வோர் அணியும் பிற அணிகளுடன் ஒருமுறை மோதும். இதில் அதிக வெற்றிகளைப் பெற்று புள்ளிகள் பட்டியலில் முதல் இரு இடங்களைப் பிடிக்கும் அணிகள் இறுதிப் போட்டிக்கு முன்னேறும். மார்ச் 22-ம் தேதி இறுதிப் போட்டி நடைபெறவுள்ளது.
இதுவரை நடைபெற்ற ஆசியக் கோப்பை போட்டிகளில் இந்திய, இலங்கை அணிகளே ஆதிக்கம் செலுத்தியுள்ளன. இதற்கு முன் நடைபெற்ற போட்டிகளில் இந்திய அணி 5 முறையும், இலங்கை அணி 4 முறையும், பாக்கித்தான் அணி ஒருமுறையும் கோப்பையை வென்றுள்ளன. 2010-ம் ஆண்டு நடைபெற்ற ஆசியக் கோப்பை இறுதிப் போட்டியில் இந்திய அணி இலங்கையை வென்று கோப்பையைக் கைப்பற்றியது.
மேற்படி தொடரில் அனைத்துப் போட்டிகளும் பகல்-இரவு ஆட்டங்களாக நடைபெறும்.
மூலம்[தொகு]
- Asian giants ready to lock horns, tribune.com, மார்ச் 11, 2012
- Cricket-mad Bangladesh key to Asia Cup following, espncricinfo, மார்ச் 11, 2012
- Asia Cup 2012: The team with the freshest legs is most likely to triumph , sportpulse, மார்ச் 11, 2012
- ஆசிய சவால் ஆரம்பம்! * இன்று வங்கதேசம்-பாக்., மோதல்,தினமலர், மார்ச் 11, 2012
- ஆசியக் கோப்பை: இந்திய கிரிக்கெட் அணி வங்கதேசத்திற்கு பயணம், ஒன்இந்தியா, மார்ச் 10, 2012
