2012 ஒலிம்பிக்சு: எத்தியோப்பியாவின் திருனேசு டிபாபா 10,000 மீ ஓட்டப்பந்தயத்தில் தங்கம் பெற்றார்
ஒலிம்பிக் செய்திகள்
- 9 செப்டெம்பர் 2013: டோக்கியோ 2020 ம் ஆண்டுக்கான ஒலிம்பிக்கை நடத்த தகுதி பெற்றது
- 13 ஆகத்து 2012: 2012 ஒலிம்பிக்சு மாரத்தான்: உகாண்டாவின் ஸ்டீவன் கிப்ரோட்டிச் தங்கப்பதக்கம் பெற்றார்
- 5 ஆகத்து 2012: 2012 ஒலிம்பிக்சு: அமெரிக்காவின் மைக்கேல் பெல்ப்சு 18வது தங்கப்பதக்கம் பெற்று சாதனை படைத்தார்
- 4 ஆகத்து 2012: 2012 ஒலிம்பிக்சு: எத்தியோப்பியாவின் திருனேசு டிபாபா 10,000 மீ ஓட்டப்பந்தயத்தில் தங்கம் பெற்றார்
- 1 ஆகத்து 2012: 2012 ஒலிம்பிக்சு: எட்டு வீராங்கனைகளை உலக இறகுப்பந்தாட்டக் கழகம் தகுதியிழந்ததாக அறிவித்தது
சனி, ஆகத்து 4, 2012
இலண்டனில் நடைபெறும் 2012 ஒலிம்பிக்சு விளையாட்டுப் போட்டிகளில் எத்தியோப்பியாவின் திருநேசு டிபாபா பெண்களுக்கான 10,000 மீட்டர் ஓட்டப்பந்தயத்தில் வெற்றி பெற்று தனது தங்கப்பதக்கத்தைத் தக்க வைத்துக் கொண்டுள்ளார்.
கடைசி 500 மீட்டர்கள் இருக்கும் போது கென்யாவின் சாலி கிப்பியேகோவையும் விவியன் செருயொட்டையும் விரைந்து தாண்டி சென்று முதலாவதாக வந்தார். இதற்கு இவர் எடுத்த நேரம் 30 நிமி 20.76 செக்கன்களாகும்.
திருநேசு டிபாபாவிற்கு இது மூன்றாவது தங்கப்பதக்கம் ஆகும். 2008 பெய்ஜிங் ஒலிம்பிக் போட்டிகளில் இவர் 5,000 மீட்டர் மற்றும் 10,000 மீட்டர்களில் முதலாவதாக வந்து சாதனை படைத்திருந்தார்.
இம்முறையும் ஆகத்து 10 வெள்ளிக்கிழமை இடம்பெறவிருக்கும் 5,000 மீட்டர் ஓட்டப்போட்டியில் இவர் கலந்து கொள்ளவிருக்கிறார்.
- இறுதி முடிவுகள்
| விளையாட்டு வீரர் | நாடு | முடிவு |
|---|---|---|
| டிபாபா | எத்தியோப்பியா | 30:20.75 |
| கிப்பியேகோ | கென்யா | 30:26.37 |
| செருயொட்டு | கென்யா | 30:30.44 |
மூலம்
[தொகு]- Tirunesh Dibaba defends Olympic 10,000m title, பிபிசி, ஆகத்து 3, 2012
- Ethiopian Delivers Punishing Kick in 10,000-Meter Race, நியூயோர்க் டைம்சு, ஆகத்து 3, 2012
