எழுத்தாளர் தீபச்செல்வனுக்கு சிறந்த ஊடகவியலாளருக்கான விருதுகள்

இலங்கை

இலங்கையில் இருந்து ஏனைய செய்திகள்

• 9 சூலை 2016: கிழக்கிலங்கை மாகாணசபைத் தேர்தல்கள் 2008
• 4 சூன் 2016: ஈழத் தமிழருக்கான நினைவேந்தல் சென்னை மெரீனா கடற்கரையில் நடந்தது
• 9 ஏப்பிரல் 2015: திருக்கோவில் விசேட அதிரடிப்படை முகாம் முற்றாக விலக்கிக் கொள்ளப்பட்டுள்ளது
• 9 ஏப்பிரல் 2015: துன்புறுத்தியே வாக்குமூலம் பெறப்பட்டதாக யசீகரன் நீதிமன்றத்தில் தெரிவிப்பு
• 9 ஏப்பிரல் 2015: திசைநாயகத்திற்கு ஆதரவாக லண்டனில் பன்னாட்டு மன்னிப்பு அவை கவனயீர்ப்பு போராட்டம்

...மேலும் செய்திகளுக்கு

இலங்கையின் அமைவிடம்

புதன், ஆகத்து 3, 2011

ஈழத்து எழுத்தாளரும் ஊடகவியலாளருமான தீபச்செல்வனுக்கு 2010ஆம் ஆண்டின் சிறந்த ஊடகவியளாளர் விருதுகளை இலங்கை பத்திரிகை நிறுவனம் வழங்கியுள்ளது.

கடந்த வாரம் கொழும்பு கல்கிசையில் இடம்பெற்ற விருது வழங்கும் நிகழ்வில் இரண்டு விருதுகள் தீபச்செல்வனுக்கு வழங்கப்பட்டன. நெருக்கடிச் சூழலில் செய்தித் தேடலுக்கான 2010ஆம் ஆண்டின் சிறந்த ஊடகவியளாளர் என்ற விருதும், 2010ஆம் ஆண்டின் சிறந்த புகைப்பட ஊடகவியளாளர் என்ற விருதும் இவருக்கு வழங்கப்பட்டது.

வன்னி மக்களின் நெருக்கடி மிக்க பிரச்சினைகளை செய்திகளாகவும் கட்டுரைகளாகவும் புகைப்படங்களாகவும் இவர் வெளியிட்டு வந்தவர். இலங்கைப் பத்திரிகைகளில் வடகிழக்கு மக்களின் பிரச்சினைகள், உரிமைகள் தொடர்பில் தீபச்செல்வன் எழுதி வருகிறார்.

1983 இல் பிறந்த தீபச்செல்வன், கிளிநொச்சி, இரத்தினபுரத்தில் வசித்து வருகிறார். கவிதைகள், கதைகள், களச்செய்தியறிக்கை, பத்தி எழுத்து, ஓவியங்கள், வீடியோ விவரணம், புகைப்படங்கள், ஆவணப்படம், வானொலிப்பெட்டகம், ஊடகவியல், விமர்சனங்கள் என பல துறைகளில் இயங்கிவருகிறார். போர், அரசியல், மாணவத்துவம், தனிமனித உணர்வுகள் என்று இவர் எழுதிவருகிறார். யாழ்ப்பாணப் பல்கலைக்கழக ஊடக பிரிவில் வருகை விரிவுரையாளராக பணிபுரிகிறார்.

மூலம்

• ஊடகவியளாளர் தீபச்செல்வனுக்கு இரண்டு விருதுகள், தமிழ்வின், சூலை 27, 2011
• 2010 ஆம் ஆண்டுக்கான இலங்கை பத்திரிகை ஸ்தாபனத்தின் ஊடகத்துறைக்கான 2 விருதுகள், உலகத் தமிழ்ச் செய்திகள், சூலை 26, 2011