கசக்ஸ்தானில் பயணிகள் விமானம் விபத்துக்குள்ளாகியதில் 20 பேர் வரை உயிரிழப்பு

செவ்வாய், சனவரி 29, 2013

கசக்ஸ்தானின் வணிகத் தலைநகரான அல்மாத்தியில் பயணிகள் விமானம் ஒன்று வீழ்ந்து நொறுங்கியதில் குறைந்தது 20 பேர் கொல்லப்பட்டனர்.

கசக்ஸ்தானின் வடக்கு நகரான கொக்செத்தாவுவில் இருந்து புறப்பட்ட விமானம் உள்ளூர் நேரம் 1300 மணிக்கு விபத்துக்குள்ளானது. விமானத்தில் இருந்த அனைவரும் இறந்திருக்கலாம் என ஸ்காட் ஏர்லைன்சு நிறுவனம் தெரிவித்துள்ளது.

விமான விபத்துக்கான காரணம் அறியப்படவில்லை, ஆனாலும் வானில் பெரும் மூடுபனி காணப்பட்டதாகத் தெரிவிக்கப்படுகிறது. விமானத்தில் தீயோ அல்லது வெடிப்புகளோ இடம்பெறவில்லை என்றும், ஆனாலும் விமானம் தரையில் மோதியுள்ளதென்றும் அல்மாத்தி நகர அரசு அதிகாரி ஒருவர் தெரிவித்தார். விபத்துக்கான காரணத்தை அறிய உயர்மட்டக் ஆணைக்குழு ஒன்று அமைக்கப்பட்டுள்ளது.

கடந்த மாதம் உயர் இராணுவ அதிகாரிகள் பயணம் செய்த இராணுவ விமானம் ஒன்று வீழ்ந்ததில் 27 பேர் கொல்லப்பட்டனர்.

இச்செய்தி பற்றிய உங்கள் கருத்தை இங்கே பதியுங்கள்!

மூலம்

Passenger plane crashes near Kazakh city of Almaty, பிபிசி, சனவரி 29, 2013
Plane crash in Kazakhstan ‘kills 20’ near Almaty, யூரோநொயூஸ், சனவரி 29, 2013

இச்செய்தியைப் பகிர்க: