தமிழகத்தில் வடகிழக்கு பருவமழை பெய்து வருகிறது

ஞாயிறு, நவம்பர் 1, 2015

தமிழகத்தில் வடகிழக்கு பருவமழைக் காலம் தொடங்கியதையடுத்து, மாநிலம் முழுவதும் கடந்த 4 நாட்களாக பரவலாக நல்ல மழை பெய்து வருகிறது. இந்த முறை 6 நாட்கள் தாமதத்திற்குப் பிறகு, அக்டோபர் 28 அன்று இந்தப் பருவம் தொடங்கியது.

இன்று காலை 8.30 மணியோடு முடிவடைந்த 24 மணி நேர காலகட்டத்தில், அதிகபட்சமாக அரண்மனைபுதூர் (தேனி மாவட்டம்), காரைக்குடி (சிவகங்கை மாவட்டம்), கொடைக்கானல் (திண்டுக்கல் மாவட்டம்), திருச்செங்கோடு (நாமக்கல் மாவட்டம்) ஆகிய இடங்களில் 7 செ. மீ. அளவிற்கு மழையளவு பதிவாகியுள்ளது.

நவம்பர் 2 அன்று தென்னிந்தியப் பகுதிகளில் பலத்த மழை இருக்குமென சென்னை வானிலை அலுவலகம் அறிவித்துள்ளது.

மூலம்

City can expect monsoon magic from today, தி இந்து, அக்டோபர் 28, 2015
Day 4: monsoon exposes chinks in civic infrastructure, தி இந்து, நவம்பர் 1, 2015
ஒரு வாரத்திற்கு கனமழை நீடிக்கும்: வானிலை ஆய்வு மையம் எச்சரிக்கை, தினமணி, நவம்பர் 1, 2015
IMD forecasts more rains in South, தி இந்து, நவம்பர் 1, 2015
வட்டார வானிலை நடுவம், சென்னை

இச்செய்தி பற்றிய உங்கள் கருத்தை இங்கே பதியுங்கள்!

இச்செய்தியைப் பகிர்க: