முதலாவது பால்க்கன் 9 விண்கலம் வெற்றிகரமாகச் சோதிக்கப்பட்டது

விக்கிசெய்தி இலிருந்து

சனி, சூன் 5, 2010

ஸ்பேஸ்எக்ஸ் (SpaceX) அமெரிக்க விண்வெளி நிறுவனம் தனது பால்க்கன் 9 என்ற விண்கலத்தை முதற்தடவையாக வெற்றிகரமாக விண்ணுக்கு ஏவிச் சோதித்தது. எதிர்காலத்தில் மனிதனை ஏற்றிச் செல்லக்கூடிய இவ்விண்கலம் புளோரிடாவில் உள்ள கென்னடி விண்வெளி மையத்தில் இருந்து நேற்று வெள்ளிக்கிழமை 1845 UTC மணிக்கு ஆளில்லாமல் விண்ணை நோக்கிச் செலுத்தப்பட்டது.


Artist rendering of SpaceX Dragon spacecraft delivering cargo to the International Space Station

கலிபோர்னியாவைச் சேந்த ஸ்பேஸ் X என்ற நிறுவனம் நசாவின் பண உதவியுடன் இவ்விண்கலத்தை அமைத்திருந்தது.


நேற்று இவ்விண்கலம் முதற்தடவையாக செலுத்தப்பட்ட போது எஞ்சினில் ஏற்பட்ட ஒரு சிறு கோளாறினால் ஏவுதல் கடைசி செக்கனில் நிறுத்தப்படட்து. பின்னர் எஞ்சின் பழுது பார்க்கப்பட்டு மீண்டும் ஏவப்பட்டது.


பால்க்கன் 9 பூமியின் சுற்று வட்டத்தை அடைந்து விட்டதென்று நிறுவன அதிகாரிகள் தெரிவித்தனர்.


தனது முதலாவது பயணத்தில் பால்க்கன் 9 தன்னுடன் டிராகன் சரக்கு விண்கலம் ஒன்றைக் கொண்டு சென்றுள்ளது. எதிர்காலத்தில் இந்த டிராகன் விண்கலத்தில் பன்னாட்டு விண்வெளி நிலையத்திற்கு பொருட்களையும் மனிதர்களையும் எடுத்துச் செல்லப் பயன்படுத்தப்படும்.

மூலம்