இலங்கையின் முன்னாள் இராணுவத் தளபதி சவேந்திர சில்வாவிற்கு ஐநா ஆலோசகர் பதவி
- இலங்கையின் போர்க்குற்றங்கள் தொடர்பாக விசாரணை செய்ய ஐநா மனித உரிமைகள் பேரவை ஆதரவு
- பிரியா விகார் கோவில் பகுதி கம்போடியாவுக்கே சொந்தம், ஐநா நீதிமன்றம் தீர்ப்பு
- இலங்கை எதேச்சதிகாரத்தை நோக்கிப் பயணிப்பதாக நவநீதம் பிள்ளை குற்றச்சாட்டு
- சிரியா மீது தாக்குதல் நடத்த மேற்கு நாடுகள் தயாராகின்றன
- ஐநா மனித உரிமைகள் ஆணையர் நவநீதம் பிள்ளை யாழ்ப்பாணம் பயணம்
ஞாயிறு, சனவரி 29, 2012
இலங்கை அரசாங்கத்தின் மிகவும் சர்ச்சைக்குரிய இராஜதந்திரிகளில் ஒருவரு, இலங்கையின் முன்னாள் இராணுவத் தளபதியுமான மேஜர் ஜெனரல் சவேந்திர சில்வாவிற்கு ஐக்கிய நாடுகள் சபையின் மூத்த ஆலோசகர் பதவி வழங்கப்பட்டுள்ளதாக இலங்கை அரசாங்கம் தெரிவித்துள்ளது.
ஐ.நா.வின் தலைமைச் செயலர் பான் கி மூனினால் ஏற்படுத்தப்பட்ட அமைதிகாப்பு நடவடிக்கைகளுக்கான சிறப்பு ஆலோசனைக் குழுவில் இவர் பணியாற்ற விருப்பதாக அரசாங்கம் கூறியுள்ளது. ஆனாலும் இது பற்றிய அறிவிப்புத் தமக்கு இதுவரையில் கிடைக்கவில்லை என இலங்கையில் உள்ள ஐநா காரியாலயம் தெரிவித்துள்ளது.
2009ல் விடுதலைப்புலிகள் தோற்கடிக்கப்பட்ட இலங்கையின் இறுதிப் போரின்போது போர்க்குற்றங்களில் ஈடுபட்டதாக இவர் மீது அமெரிக்காவில் வழக்குத் தாக்கல் செய்யப்பட்டுள்ளது. சவேந்திர சில்வா இக்குற்றச்சாட்டுக்களை மறுத்து வருகிறார். தற்போது இவர் ஐநாவுக்கான இலங்கையின் துணைத் தூதுவராக பணியாற்றுகிறார்.
நான்காம் ஈழப்போரின் இறுதிக் கட்டத்தில் இராணுவத்தினரிடம் சரணடைந்த விடுதலைப் புலிகளின் தலைவர்கள் சுட்டுக் கொல்லப்பட்டமைக்கு இவரே காரணம் என மனித உரிமை அமைப்புகள் குற்றம் சாட்டியுள்ளன.
மூலம்[தொகு]
- UN role for Sri Lanka ex-army General Shavendra Silva, பிபிசி, சனவரி 27, 2012
- UN Says Ban Will Accept Alleged War Criminal As His Senior Adviser on Peacekeeping, இன்னர்சிற்றி பிரஸ், சனவரி 28, 2012
- Silva's proposed UN appointment elicits condemnation from Rights Groups, தமிழ்நெட், சனவரி 28, 2012
