நைஜீரியாவில் பள்ளிச் சிறுவர்கள் பணயக் கைதிகளாகப் பிடிக்கப்பட்டனர்
புதன், செப்டெம்பர் 29, 2010
- 2 அக்டோபர் 2016: 123 போகோ காரம் தீவிரவாதிகள் சாட் & நைசர் படைகளால் கொல்லப்பட்டனர்
- 29 ஏப்பிரல் 2015: இத்தோனேசியாவில் எட்டு பேருக்கு மரணதண்டனை நிறைவேற்றப்பட்டது
- 12 மே 2014: கடத்தப்பட்ட நைஜீரிய மாணவிகளின் காணொளியை போக்கோ அராம் போராளிகள் வெளியிட்டனர்
- 18 ஏப்பிரல் 2014: நைஜீரியா நாட்டில் பள்ளி மாணவிகள் 129 பேர் கடத்தல்
- 26 பெப்பிரவரி 2014: நைஜீரியாவில் இசுலாமியத் தீவிரவாதிகளின் தாக்குதலில் 59 மாணவர்கள் உயிரிழப்பு
தென்கிழக்கு நைஜீரியாவில் அபியா மாநிலத்தில் 15 பள்ளிச் சிறுவர்களை துப்பாக்கிதாரிகள் சிலர் பணயக்கைதிகளாகப் பிடித்துச் சென்றுள்ளதாகக் காவல்துறையினர் தெரிவித்துள்ளனர்.
பன்னாட்டுப் பாடசாலைக்கு பேருந்து ஒன்றில் சென்று கொண்டிருந்த போதே இவர்கள் கடத்திச் செல்லப்பட்டனர். கடத்திச் சென்றவர்கள் பள்ளி நிருவாகத்திடம் தொடர்பு கொண்டு 20 மில்லியன் நைராக்களை ([$130,000) கேட்டுள்ளதாகக் காவல்துறையினர் தெரிவித்தனர்.
கடத்திச் செல்லப்பட்ட பிள்ளைகள் அனைவரும் நைஜீரியர்கள் என்றும் அவர்கள் வசதி படைத்த குடும்பங்களைச் சேர்ந்தவர்கள் என்றும் தெரிவிக்கப்படுகிறது. இவர்கள் 4 முதல் 10 வயதுக்குள் உள்ளவர்கள் எனத் தெரிவிக்கப்படுகிறது.
கடந்த சில ஆண்டுகளாக எண்ணெய் அதிகம் விளையும் நைஜர் டெல்ட்ட பகுதியில் இப்படியான கடத்தல்கள அதிகமாக நிகழ்வதாகத் தெரிவிக்கப்படுகிறது. பொதுவாக வசதி படைத்தவர்களும் அவர்களது குடும்பத்தவர்களௌமே கடத்திச் செல்லப்படுகிறார்கள்.
பல நடுத்தர வசதி படைத்த நைஜீரியர்கள் வெளியில் செல்லும் போது தம்முடன் ஆயுதம் தரித்த நபர்களையும் பாதுகாப்புக்காகக் கூட்டிச் செல்லுகின்றனர் என பிபிசி செய்தியாளர் தெரிவிக்கிறார்.
மூலம்
- Ransom demand after gunmen seize Nigeria schoolchildren, பிபிசி, செப்டம்பர் 28, 2010
- Gunmen hijack Nigerian school bus, அல் ஜசீரா, செப்டம்பர் 28, 2010
