பூமியை 7,600 மைல் தொலைவில் கடந்து சென்ற சிறுகோள்
- 8 பெப்பிரவரி 2018: இசுபேசு எக்சு விண்கலம் தெல்சா காரை விண்ணுக்கு செலுத்தியது
- 23 பெப்பிரவரி 2017: பூமியின் அளவை ஒத்த ஏழு புதிய கிரகங்கள் கண்டுபிடிப்பு
- 15 பெப்பிரவரி 2017: இந்தியா 104 செயற்கை கோள்களை ஒரே சமயத்தில் ஏவியது
- 14 சனவரி 2017: இசுபேசு-எக்சு 10 செயற்கைக்கோள்களை வெற்றிகரமாக ஏவியது
- 15 திசம்பர் 2016: கலிலியோ செயற்கைகோள் செயல்பாட்டுக்கு வந்தது
புதன், சூன் 29, 2011
2011 எம்டி என்ற சிறுகோள் (asteroid) பூமியை 7,600 மைல்களுக்குக் கிட்டவாகக் கடந்து சென்றது. இந்தச் சிறுகோள் எதிர்பார்க்கப்பட்டதிலும் பார்க்க மூன்றரை மணி நேரம் தாமதித்து பூமியைக் கடந்துள்ளதாக வானியலாளர்கள் தெரிவித்தனர். இது விண்ணில் உள்ள கழிவுப் பொருள் என முன்னர் கருதப்பட்டிருந்தது.
நேற்று முன்தினம் சூன் 27 ஆம் நாள் 1700 UTC மணிக்கு இச்சிறுகோள் அத்திலாந்திக் பெருங்கடலுக்கு மேலாக எவ்வித சேதமும் எற்படுத்தாமல் கடந்து சென்றது. இந்தச் சிறுகோளைக் கடந்த வாரத்திலேயே வானியலாளர்கள் கண்டுபிடித்தனர். நியூ மெக்சிக்கோ, சொக்கோரோ என்ற இடத்தில் உள்ள விண்தொலைநோக்கி மூலம் இது சூன் 21 ஆம் நாளில் கண்டுபிடிக்கப்பட்டது.
82 அடி அகலம் கொண்ட 2011 எம்டி என்ற இந்த சிறுகோள் தாம் கணித்த பாதையிலேயே பூமியைக் கடந்துள்ளதாக நாசா கூறியது. இது சென்ற தூரம் பன்னாட்டு விண்வெளி நிலையத்தின் தூரத்தை விட 30 மடங்கு அதிகமாகும். விண்வெளி நிலையம் 250 மைல் தூரத்திலேயே பூமியைச் சுற்றி வருகிறது.
இந்தப் பருமனான சிறுகோள்கள் கிட்டத்தட்ட ஆறு ஆண்டுகளுக்கு ஒரு முறை பூமியை அணுகுகிறது. ஆனாலும், இவ்வாண்டு ஆரம்பத்தில், இதனை விடச் சிறுகோள் ஒன்று 3,500 மைல் தூரத்தில் பூமியைக் கடந்து சென்றுள்ளது. 2011 எம்டி பூமியை நோக்கி வந்திருந்தாலும், அது வளிமண்டலத்திலேயே முழுமையாக எரிந்திருக்கும் எனவும், பூமியில் சேதம் எதனையும் ஏற்படுத்தியிருக்காது எனவும் நாசா தெரிவித்துள்ளது.
"கடந்த மில்லியன் ஆண்டு காலமாக பூமியை இவ்வாறான விண்கற்கள் தாக்கி வருகின்றன. மூன்றில் இரண்டு மைல் பருமனான விண்கற்கள் மிகவும் பாரதூரமான விளைவுகளை ஏற்படுத்து. இப்படியானவை பல்லாயிரக்கணக்கான ஆண்டுகளுக்கு ஒரு முறையே பூமியைத் தாக்குகின்றன. 65 மில்லியன் ஆண்டுகளுக்கு முன்னர் தொன்மாக்களை பூமியில் இருந்து அழித்தது ஆறு மைல் பருமனான ஒரு சிறுகோள் எனவே அறிவியலாளர்கள் நம்புகின்றனர். அறிவியலாளர்கள் இவற்றை எந்நேரமும் கண்காணித்துக் கொண்டே இருக்கின்றனர். நாசா இது வரையில் பூமியை நோக்கி வந்துள்ள 8,110 சிறுகோள்கள், மற்றும் வால்வெள்ளிகளை அவதானித்துள்ளனர். இவற்றில், 1,237 பூமியில் பெரும் அழிவுகளை ஏற்படுத்தக்கூடியவை எனக் கணிக்கப்பட்டுள்ளது," என கலிபோர்னியாவைச் சேர்ந்த நாசா அறிவியலாளர் டொன் யோமன்ஸ் தெரிவித்தார்.
தொடர்புள்ள செய்திகள்
[தொகு]- டைனசோர்களை 65 மில்லியன் ஆண்டுகளுக்கு முன்னர் அழித்தது சிறுகோளே, மார்ச் 8, 2011
- 2011 நவம்பரில் சிறுகோள் ஒன்று பூமிக்கு அருகாக செல்லவிருக்கிறது, மே 10, 2011
- 2030களில் பூமியை மோதவிருக்கும் சிறுகோளைத் தடுக்கும் முயற்சியில் ரஷ்யா, சனவரி 1, 2010
மூலம்
[தொகு]- 2011 MD Misses Earth : Asteroid hurtles within 7,600 miles of Earth, பட்டாயா டெய்லி நியூஸ், சூன் 29, 2011
- Asteroid to Pass Extremely Close By Earth On Monday, ஸ்பேஸ்.கொம், சூன் 24, 2011
- First photos of the earth-buzzing 2011 MD asteroid surface, சூன் 28, 2011
