சோமாலியத் தலைநகரில் தற்கொலைக் குண்டுத் தாக்குதல்
- 3 சூன் 2023: உகாண்டா குண்டுவெடிப்பில் கால்பந்து ரசிகர்கள் 64 பேர் கொல்லப்பட்டனர்
- 3 சூன் 2023: சோமாலியா விமான நிலையம் மீது போராளிகள் எறிகணைத் தாக்குதல்
- 15 அக்டோபர் 2017: சோமாலிய தீவிரவாத தாக்குதலில் 137 இக்கும் மேற்பட்டோர் பலி
- 28 சனவரி 2017: ஏழு நாடுகளை சேர்ந்தவர்கள் மட்டும் அமெரிக்கா வர தடை விதித்து திரம்பு உத்தரவு
- 2 ஏப்பிரல் 2015: கென்யாவின் காரிசா பல்கலைக்கழகத்தில் நடைபெற்ற தாக்குதலில் 70 பேர் பலி
திங்கள், பெப்பிரவரி 21, 2011
சோமாலியத் தலைநகர் மொகடிசுவில் காவல்துறையினரின் பயிற்சி முகாம் ஒன்றில் தற்கொலைக் கார்க்குண்டு ஒன்று வெடித்ததில் குறைந்தது ஆறு காவல்துறையினர் கொல்லப்பட்டதாகத் தகவல்கள் தெரிவிக்கின்றன.
காவல்துறைப் பயிற்சிக் கல்லூரியின் அருகே உள்ள டார்விஷ் முகாமில் இன்று காலை உள்ளூர் நேரப்படி 0830 மணிக்கு இத்தாக்குதல் நடத்தப்பட்டது. கொல்லப்பட்டவர்களின் எண்ணிக்கை இன்னும் அதிகமாக இருக்கலாம் எனக் கருதப்படுகிறது.
இத்தாக்குதலை யார் நடத்தியது என இதுவரையில் அறிவிக்கப்படவில்லை. ஆனாலும், அல்-சபாப் போராளிகள் பல தாக்குதல்களை முன்னர் நடத்தியிருக்கின்றனர்.
"எம்மை நோக்கி ஒரு வாகனம் வேகமாக வந்து வெடித்தது. அப்பகுதி எங்கும் ஒரே புகை மண்டலமாகக் காணப்பட்டது," என காவல்துறை அதிகாரி அசன் அலி ராய்ட்ட்டர்ஸ் செய்தியாளருக்குத் தெரிவித்தார்.
தெற்கு சோமாலியாவில் பல பகுதிகளையும் தமது கட்டுப்பாட்டுக்குள் வைத்திருக்கும் அல்-சபாப் போராளிகள் கடந்த சில மாதங்களாக இடைக்கால அரசுப் படைகளுடன் மொகதிசுவைக் கைப்பற்றுவதற்காக மோதி வருகின்றனர். சோமாலியாவில் கடந்த 20 ஆண்டுகளாக நிரந்தரமான தேசிய அரசு ஒன்று இருக்கவில்லை.
மூலம்
[தொகு]- Deadly suicide car bomb rocks Mogadishu police camp, பிபிசி, பெப்ரவரி 21, 2011
- Mogadishu suicide blast kills six policemen, ஸ்ட்ரெயிட் டைம்ஸ், பெப்ரவரி 21, 2011
