தெற்கு சூடான் சண்டையில் 70 பேர் உயிரிழப்பு

தெற்கு சூடான்

தெற்கு சூடானில் இருந்து ஏனைய செய்திகள்

• 14 சனவரி 2014: தெற்கு சூடானில் இருந்து வெளியேறியோரை ஏற்றிச் சென்ற படகு மூழ்கியதில் 200 பேர் வரை உயிரிழப்பு
• 4 சனவரி 2014: தெற்கு சூடான் பேச்சுவார்த்தைகளில் தடங்கல்
• 22 திசம்பர் 2013: தெற்கு சூடானின் கிளர்ச்சியாளர்கள் நாட்டின் பெரும் பகுதியைக் கைப்பற்றியிருப்பதாக அறிவிப்பு
• 17 திசம்பர் 2013: தெற்கு சூடானில் ஆட்சிக் கவிழ்ப்பு முயற்சி முறியடிக்கப்பட்டதாக அரசு அறிவிப்பு
• 27 ஏப்பிரல் 2013: தெற்கு சூடான்: முக்கிய போராளிக் குழுவினர் ஆயுதங்களை ஒப்படைத்து சரணடைந்தனர்

...மேலும் செய்திகளுக்கு

தெற்கு சூடானின் அமைவிடம்

திங்கள், மார்ச்சு 21, 2011

தெற்கு சூடான் இராணுவத்தினருக்கும், போராளிகளுக்கும் இடையே இடம்பெற்ற சண்டையில் 70 பேர் கொல்லப்பட்டதாக அதிகாரிகள் தெரிவித்தனர்.

சூடான் மக்கள் விடுதலை இராணுவத்தினருக்கும் (எஸ்பிஎல்ஏ, SPLA) போராளிகள் தலைவர் ஜோர்ஜ் ஆத்தரின் ஆதரவுப் படைகளுக்கும் இடையே மூன்று மாநிலங்களில் சண்டை மூண்டது. இச்சண்டைகளில் 34 இராணுவத்தினரும், 36 போராளிகளும் உயிரிழந்ததாக விடுதலை இராணுவப் பேச்சாளர் பிலிப் அகுவர் தெரிவித்தார்.

கடந்த வாரம் இதே போன்ற சண்டை இடம்பெற்ற போது, தென் சூடானிய அரசு வடக்கு சூடானையும், அதன் தலைவர் ஒமார் அல்-பஷீரையும் நாட்டின் திரத்தன்மையைக் குலைப்பதாகக் குற்றம் சாட்டியிருந்தது. தெற்கின் போராளிகளுக்கு ஆயுதங்களைக் கொடுப்பதாக அது கூறியுள்ளது. இக்குற்றச்சாட்டை வடக்கு சூடான் மறுத்துள்ளது.

பல தசாப்த கால உள்நாட்டுக் கலவரங்களை அடுத்து, வரும் சூலை மாதத்தில் தெற்கு சூடான் விடுதலை பெற இருக்கிறது.

ஜெனரல் ஜோர்ஜ் ஆத்தர் கடந்த ஏப்ரலில் ஜொங்கிளெய் மாநிலத்தின் ஆளுநருக்கான தேர்தலில் போட்டியிட்டுத் தோல்வியடைந்ததை அடுத்து அரசுக்கெதிரான கிளர்ச்சியை ஆரம்பித்தார்.

மூலம்

• South Sudan: SPLA and Athor clashes 'kill scores', பிபிசி, மார்ச் 18, 2011