இரசியாவில் இரவு விடுதியில் வெடி விபத்து: 102 பேர் உயிரிழப்பு

சனி, திசம்பர் 5, 2009

ரஷ்யா

ரஷ்யாவில் இருந்து ஏனைய செய்திகள்

• 12 பெப்பிரவரி 2018: உருசியாவில் கிளம்பிய சில நிமிடங்களில் வானூர்தி விபத்துக்குள்ளானதில் 75 பேர் பலி
• 25 திசம்பர் 2016: உருசி இராணுவ வானூர்தி கருங்கடல் பகுதியில் விபத்துக்குள்ளானதில் 92 பேர் பலியாயினர்
• 20 திசம்பர் 2016: துருக்கியின் உருசிய தூதர் அங்காராவில் படுகொலை செய்யப்பட்டார்
• 19 மார்ச்சு 2016: உருசியாவில் பயணிகள் வானூர்தி விபத்துக்குள்ளானதில் 62 பேர் பலி
• 15 மார்ச்சு 2016: செவ்வாய் கிரக ஆரய்ச்சிக்காக எக்ஸோமார்ஸ் 2016 என்ற விண்கலம் செலுத்தப்பட்டது.

...மேலும் செய்திகளுக்கு

ரஷ்யாவின் அமைவிடம்

இரசியாவின் யூரல் மலைத்தொடருக்கு அருகில் உள்ள பேர்ம் நகரில் இரவு விடுதி ஒன்றில் ஏற்பட்ட வெடி விபத்தில் 102 பேர் உயிரிழந்துள்ளதாக தெரிவிக்கப்பட்டுள்ளது.

இரசியாவின் அரசு தொலைக்காட்சியான வெஸ்டி டிவி.யில் (VESTI TV) ஒளிபரப்பப்பட்ட செய்தியில் நேற்றிரவு நடந்த வெடி விபத்தில் 135 பேர் காயமடைந்ததாகவும், இதில் 85 பேரின் நிலை கவலைக்கிடமாக உள்ளதாகவும் கூறப்பட்டுள்ளது.

இரவு விடுதியின் 8வது ஆண்டுக் கொண்டாட்டங்கள் நடைபெற்றுக் கொண்டிருந்த போது பட்டாசு வெடிக்கப்பட்டதாகவும், இதில் வெடி விபத்து ஏற்பட்டு ஏராளமானோர் நெரிசலிலும், தீயிலும் சிக்கி பலியானதாகவும் முதற்கட்ட தகவல்கள் தெரிவிக்கின்றன.

1.2 மில்லியன் மக்கள் தொகை கொண்ட பேர்ம் நகர் மாஸ்கோவில் இருந்து 1,400 கிமீ கிழக்கே அமைந்துள்ளது. இது இரசியாவின் 6வது பெரிய நகரமாகும்.

மூலம்

• "Russia nightclub fireworks blast kills scores". பிபிசி, டிசம்பர் 5, 2009