உருசியாவின் தற்பாலின தடைச் சட்டத்தைக் கண்டித்த கூகிள் முகப்புப் படம்
- 12 பெப்பிரவரி 2018: உருசியாவில் கிளம்பிய சில நிமிடங்களில் வானூர்தி விபத்துக்குள்ளானதில் 75 பேர் பலி
- 25 திசம்பர் 2016: உருசி இராணுவ வானூர்தி கருங்கடல் பகுதியில் விபத்துக்குள்ளானதில் 92 பேர் பலியாயினர்
- 20 திசம்பர் 2016: துருக்கியின் உருசிய தூதர் அங்காராவில் படுகொலை செய்யப்பட்டார்
- 19 மார்ச்சு 2016: உருசியாவில் பயணிகள் வானூர்தி விபத்துக்குள்ளானதில் 62 பேர் பலி
- 15 மார்ச்சு 2016: செவ்வாய் கிரக ஆரய்ச்சிக்காக எக்ஸோமார்ஸ் 2016 என்ற விண்கலம் செலுத்தப்பட்டது.
சனி, பெப்பிரவரி 8, 2014
உருசியாவின் சோச்சி நகரில் 2014 குளிர்கால ஒலிம்பிக் போட்டிகள் தொடங்கியுள்ள நிலையில், இதனைப் பயன்படுத்தி கூகிள் நிறுவனம் தனது முகப்பில் தற்பாலினத்தோருக்கு ஆதரவாக வரைபடத்தை வெளியிட்டுள்ளது.
அண்மைய காலங்களில் உருசியாவில் தற்பாலினத்தோருக்கு எதிரான தடைச்சட்டங்களும், அடக்குமுறைகளும் அதிகரித்துள்ளன. குறிப்பாக பழமைவாத கிறித்தவப் பிரிவைச் சேர்ந்த உருசிய அரசுத்தலைவர் விளாதிமிர் பூட்டின் தற்பாலினத்தோருக்கு எதிராக சில சட்டமூலங்களை நடைமுறைப்படுத்தியுள்ளார். இதனால் சோச்சி நகரில் தொடங்கவுள்ள குளிர்கால ஒலிம்பிக்கில் தற்பாலின விளையாட்டு வீரர்கள் சுதந்திரமாக பங்கேற்க இயலாத நிலையும் ஏற்பட்டுள்ளது.
இதனை அடுத்தே உருசியாவிற்கும், தற்பாலின உரிமைகளைப் பாதுகாக்க தவறிய ஒலிம்பிக் நிர்வாகத்துக்கும் தமது எதிர்ப்பை காட்டும் முகமாக கூகிள் நிறுவனம் தற்பாலின சமூகத்தை அடையாளப்படுத்தும் ஆறு வண்ணங்களைக் கொண்ட வரைபடத்தை வெளியிட்டுள்ளது. இது குறித்து அதிகாரப்பூர்வ அறிக்கை எதையும் கூகிள் நிறுவனம் இதுவரை அளிக்கவில்லை.
மூலம்[தொகு]
- Olympic Charter: Google doodle flies gay flag, டைம்சு ஒஃப் இந்தியா, பெப்ரவரி 7, 2014
- Olympic Charter’s rainbow tribute: Google takes a swipe at Russian ‘propaganda’ law to mark opening ceremonies, நேசனல் போஸ்ட், பெப்ரவரி 7, 2014
